नख्खु कारागारमा भएको झडपबारे छानविन गर्न समिति बन्यो

ललितपुर: ललितपुरको नख्खु कारागारमा आइतबार भएको झडपको विषयमा अनुसन्धान गर्न छानविन समिति गठन भएको छ ।

कारागार व्यवस्थापन विभागका निर्देशक रामचन्द्र तिवारीको अध्यक्षतामा बनेको छानविन समितिमा जिल्ला प्रशासन कार्यालयका अधिकृत दीपक न्यौपाने, राष्ट्रिय अनुसन्धान विभाग, नेपाल प्रहरी र सशस्त्र प्रहरीको राजदल गणका अधिकृत सदस्य रहेको ललितपुरका प्रमुख जिल्ला अधिकारी ढुण्डिराज निरौला जानकारी दिएका छन्।

समितिलाई १० दिनभित्र प्रतिवेदन बुझाउन भनिएको छ । नाइकेले कारागारभित्रको क्यान्टिनमा खानाको मूल्य बढाएको निहुँबाट सुरु भएको विवाद उग्र बन्दा झडपको स्थिति सिर्जना भएको थियो ।