७ हजार ६६४ जना कोरोना संक्रमणबाट मुक्त ७९१४ संक्रमित थपिए, संक्रमणबाट १९३ जनाको मृत्यु

९ जेष्ठ २०७८, कोशीपारी अनलाइन संवाददाता/काठमाडौं पछिल्लो २४ घण्टामा ७ हजार ६६४ जना कोरोना संक्रमणबाट मुक्त भएका छन् । त्यस्तै गरि ७ हजार ९१४ जनामा संक्रमण पुष्टि भएको छ । कोरोना संक्रमणबाट थप १९३ जनाको मृत्यु भएको छ ।

देशभरका प्रयोगशालामा १८ हजार ९६५ पीसीआर टेष्ट गर्दा ७ हजार ५९८ र ९३१ एन्टिजेन टेष्ट गर्दा ३१६ जना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । नयाँ संक्रमितमध्ये २८२१ काठमाडौं उपत्यकाका छन् । जसमा काठमाडौंका १७८१, ललितपुरका ६९४ र भक्तपुरका ३६६ जना छन् ।