लमजुङको भुलभुलेमा २ पटक गयो भूकम्प, पहिले ५.८ पछि ५.३ म्याग्‍नेच्युट मापन

०५ जेष्ठ २०७८, कोशीपारी अनलाइन संवाददाता /काठमाडौं । आज बिहान लमजुङको भुलभुलेमा २ पटक भूकम्प गएको छ । भूकम्प मापन केन्द्रका अनुसार बिहान ८ बजेर २६ मिनेटमा ५.३ म्याग्‍नेच्युटको भूकम्प गएको हो ।

बिहान ५ बजेर ४२ मिनेटमा लमजुङको भुलभुले नै केन्द्र भएर ५.८ म्याग्नेच्युटको भूकम्प गएको थियो । पहिलो भूकम्पको धक्का काठमाडौंसम्म महसूस गरिएको थियो। राष्ट्रिय भूकम्प मापन केन्द्रका प्राविधिक सहायक राजेश शर्माका अनुसार लमजुङको भुलभुलेमा केन्द्र भएर दुई पटक भूकम्प गएको हो ।