राष्ट्रिय सभा सदस्यमा नेमकिपाका तामाङ पनि उम्मेदवार

२४ बैशाख २०७८, कोशीपारी अनलाइन/ काठमाडौ वाग्मती प्रदेशको राष्ट्रियसभा सदस्यका लागि नेपाल मजदुर किसान पार्टी(नेमकिपा)ले पनि उम्मेदवारी दर्ता गराएको छ । नेमकिपाले काभ्रेका कृष्णबहादुर तामाङलाई राष्ट्रियसभा सदस्यको उम्मेदवारका रुपमा उभ्याएको हो । उनी नेमकिपाका केन्द्रीय सदस्य हुन् । प्रदेश निर्वाचन कार्यालयमा तामाङको उम्मेदवारी दर्ता भइसकेको छ । तामाङको प्रस्तावकमा नेमकिपाका प्रदेश सांसद सुरेन्द्रराज गोसाईँ र समर्थकमा प्रदेश सांसद सिर्जना सायँजु रहेकी छिन् ।