काभ्रेमा एकैदिन १५८ जनामा कोरोना संक्रमण पुष्टि, ४ को मृत्यु, बनेपामा मात्र ८६ जना

२२ बैशाख २०७८, कोशीपारी अनलाइन संवाददाता / काभ्रे जिल्लामा पछिल्लो २४ घण्टामा १५८ जनामा कोरोना संक्रमण पुष्टि भएको छ भने १६ जना डिस्चार्ज भएका छन् । त्यस्तै गरि कोरोना संक्रमणका कारण ४ जनाको मृत्यु भएको छ । जिल्ला स्वास्थ्य कार्यालय धुलिखेलका अनुसार मुख्य शहर बनेपा मात्र ८६ जनामा कोरोना संक्रमीत भेटिएका छन् । पछिल्लो संक्रमण संख्या सङ्गै काभ्रेमा संक्रमितको संख्या ४२२६ पुगेको छ । त्यस्तै गरि स्वास्थ्य कार्यालय धुलिखेलका अनुसार जिल्लाको कोशीपारी स्थित भुम्लु गाउँपालिकामा ३ जना महिला एवं ४ जना पुरुष गरि कुल ७ जना र छिमेकी अर्को चौरी देउराली गाउँपालिकामा १ जना महिला एवं ६ जना पुरुष गरि कुल ७ जनामा कोरोना संक्रमण पुष्टि भएको छ ।