नेपालमा एकैदिन हालसम्मकै उच्च ८६५९ जनामा कोरोना सङ्क्रमण पुष्टि, ५८ जनाको मृत्यु

२२ बैशाख २०७८, कोशीपारी अनलाइन संवाददाता /काठमाडौ नेपालमा पछिल्लो २४ घण्टामा ५८ जनाको मृत्यु भएको छ भने ८६५९ जनामा कोरोना भाइरस संक्रमण पुष्टि भएको छ । नेपालमा एकै दिन सबैभन्दा धेरै जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा आठ हजार छ सय ५९ जनामा कोरोना पुष्टि भएको हो । मन्त्रालयका प्रवक्ता प्रा.डा. जागेश्वर गाैतमका अनुसार आठ हजार छ सय पाँच पिसिआर परीक्षणमार्फत कोरोना पुष्टि भएको हो । यस्तै ५४ जनामा एन्टिजेन परीक्षणबाट कोरोना पुष्टि भएको हो । यससँगै सक्रिय सङ्क्रमितको सङ्ख्या ६६ हजार तीन सय ५२ पुगेको छ ।