भुम्लु गाउँपालिका अध्यक्षले गरे झोल साबुन निर्माण तालिम कार्यक्रमको उद्घाटन

दोलालघाट, कोशिपारी चैत्र १६ भुम्लु गाउँपालिका वडा नम्बर १० दोलालघाटमा महिला स्वरोजगार झोल साबुन बनाउने तालिम शुरु भएको छ । गाउँपालिका अध्यक्ष गुमानध्वज कुवरले उद्घाटन गर्नु भएको यस कार्यक्रममा दोलालघाटबाट साबिकको वडा नम्बर १ देखि ३ सम्मका महिलाहरुको सहभागिता रहेको छ । यस महिला स्वरोजगार कार्यक्रम अन्तर्गत महिलाहरुले झोल साबुन, हार्पिक बनाउने तालिम सन्चालन हुनेछ भने यस तालिमबाट महिलाहरुमा स्वरोजगार सिर्जना भै महिलाहरु आत्मानिर्भर हुने वडा सदस्य मन्जु शाहले बताउनु भयो । तालिम उद्घाटन कार्यक्रममा वडा अध्यक्ष चित्र बहादुर तामाङ लगायत अन्य जनप्रतिनिधिहरुको समेत उपस्थिति रहेको थियो ।