काभ्रे जिल्ला लिग आजबाट शुरु, जिल्लाका १४ वटा क्लबले भाग लिदै

काभ्रे जिल्ला लिग आजबाट जिल्ला फुटबल संघको आयोजनामा धुलिखेल सामुदायिक खेल मैदानमा शुरु भएको छ । अखिल नेपाल फुटबल संघका केन्द्रिय सदस्य श्रेष्ठले उद्घाटन गर्नुभएको लिगमा जिल्ला भरिका १४ वटा क्लबले भाग लिने छन । उद्घाटनको पहिलो दिन भएको पहिलो चरणको खेल बनेपा क्लब र ताङ्लिङ युवा क्लब रोशीको बिचमा भएको थियो जसमा बनेपा क्लबले ताङलिङ युवा क्लब माथी ४-१ गोल अन्तरले नतिजा हात पार्न सफल भएको छ । त्यस्तै आजै भएको दोश्रो कुशादेवी युवा क्लब र बनेपा झिंगु क्लब बिच भएको खेलमा कुशादेवी युवा क्लबले बनेपा झिंगु क्लब माथी १-० नतिजा निकाली जित हात पारेको छ । पहिलो र दोस्रो चरण गरि कुल ३० वटा खेल सन्चालन हुने जानकारी जिल्ला फुटबल संघ काभ्रेका कोषअध्यक्ष प्रभात श्रेष्ठले जानकारी दिनु भएको छ साथै उहाँ यस बर्षदेखि एक खेल जित्ने क्लबलाई म्याच मनिको समेत गरेको बताउनु भएको छ । प्रतियोगितामा बिजेता टिमले शिल्ड, मेटल, प्रमाणपत्र र नगद पुरस्कार पाउने छन् ।