राष्ट्रपतिले गरेको प्रतिनिधि सभाको विघटन बिरोधमा उभिए ५ विद्यार्थी संगठन

९ जेष्ठ २०७८, कोशीपारी अनलाइन सम्बाददाता / काठमाडौ सरकारको सिफारिसमा राष्ट्रपतिले प्रतिनिधि सभा विघटन गरेकोमा पाँच विद्यार्थी संगठनले विरोध गरेका छन्। उनीहरूले आफ्नो ठाउँबाट उक्त कदमको विरोध गर्ने निर्णय गरेका छन्। आज संयुक्त विज्ञप्ति निकालेर नेविसंघ, अखिल क्रान्तिकारी, अनेरास्ववियू, समाजवादी विद्यार्थी युनियन र अखिल छैटौंले संयुक्त विद्यार्थी आन्दोलनका तर्फबाट प्रतिरोधमा उत्रिन आग्रह गरेका हुन्। उक्त विज्ञप्तिमा नेविसंघ अध्यक्ष राजिव ढुंगाना, अखिल क्रान्तिकारीका अध्यक्ष रञ्जित तामाङ, अनेरास्ववियू अध्यक्ष सुदेश पराजुली, समाजवादी विद्यार्थी युनियनका अध्यक्ष रूपनारायण श्रेष्ठ र अखिल छैटौंका अध्यक्ष विमल पोखरेलले हस्ताक्षर गरेका छन्।