अल्टिमेटम सकियो, जुटेन ओली र नेपाल पक्षबीच सहमति

२७ बैशाख २०७८, कोशीपारी अनलाइन संवाददाता /काठमाडौँ — नेकपा (एमाले) को माधवकुमार नेपाल पक्षले आफ्‍ना माग पूरा गर्ने प्रतिबद्धताका लागि अध्यक्ष केपी शर्मा ओलीलाई सोमबार बिहान ९ बजेसम्मको ‘अल्टिमेटम’ दिएकोमा दुवै पक्षबीच थप सहमति जुट्न सकेको छैन । काठमाडौँ — नेकपा (एमाले) को माधवकुमार नेपाल पक्षले आफ्‍ना माग पूरा गर्ने प्रतिबद्धताका लागि अध्यक्ष केपी शर्मा ओलीलाई सोमबार बिहान ९ बजेसम्मको ‘अल्टिमेटम’ दिएकोमा दुवै पक्षबीच थप सहमति जुट्न सकेको छैन ।औपचारिक निर्णय गर्नुअघि वरिष्ठ नेता माधव नेपालले शुक्रबार ओलीलाई ६ बुँदासहितको पत्रसमेत लेखेका छन् । नेता नेपालले पत्रमा सर्वोच्चले नेकपालाई एमाले र माओवादीको पुरानै अवस्थामा पुर्‍याएकाले एकीकरणअघि अर्थात् २०७५ जेठ २ को अवस्थाबाट क्रियाशील बनाउनुपर्ने सर्त राखेका छन् । त्यसयता ओलीले एमालेमा गरेका केन्द्रीय कमिटी विघटन तथा नेताहरुलाई गरिएको कारबाही र सांसदहरुलाई सोधिएको स्पष्टीकरणलगायत निर्णय खारेज गर्न माग गरेका छन् ।