युरोकप २०२०

बेल्जियमलाई हराउँदै इटाली सेमिफाइनलमा

१९ असार २०७८, कोशीपारी अनलाइन संवाददाता/ काठमाडौ– बेल्जियमलाई हराउँदै उपाधि दाबेदार इटालीले यूरोपेली च्याम्पियनसिप २०२० को सेमिफाइनलमा प्रवेश गरेको छ । पहिलो हाफमा लिएको २-१ को अग्रता जोगाउँदै इटालीले अन्तिम चारको यात्रा तय गरेको हो ।

अब फाइनल प्रवेशका लागि इटालीले स्पेनसँग खेल्नेछ । शुक्रबार राति भएको  पहिलो क्वाटरफाइनल खेलमा स्वीट्जरल्याण्डलाई पेनाल्टी सुटआउटमा ३–१ ले पराजित गर्दै स्पेन सेमिफाइनलमा प्रवेश गरेको थियो । 

आज बिहान भएको दोस्रो क्वाटरफाइनल खेलमा इटालीलाई बिजयी बनाउन निकोलो बारेल र लोरेन इन्सिङ्गले १–१ गोल गरे । बेल्जियमका लागि रोमेलु लुकाकुले एक गोल फर्काए ।

पहिलो हाफ बेल्जियममाथि इटालीले २–१ को अग्रता लिएको थियो । प्रतिस्पर्धात्मक खेलको ३१  औं मिनटेमा निकोलोको गोलमा इटालीले अग्रता लिएको थियो । खेलको ४४ औं मिनेटमा लोरेनले अग्रता दोब्बर बनाए ।

खेलको ४७ औं मिनटेमा पेनाल्टी मार्फत लुकाकुले गोल गर्दै २–१ को अवस्थामा ल्याए । दाेस्राे हाफमा दुवै तर्फबाट गाेल भएन । 

खेलको १३ औं मिनेटमा इटालीका लियोनार्दो बुनिचीको प्रहारले जाली चुमेको थियो । तर भिएआरमा अफसाइड देखिएपछि उनको गोलले मान्यता पाएन । 

बेल्जियमले साविक विजेता पोर्चुगललाई हराउँदै क्वाटर फाइनल प्रवेश गर्दा इटालीले अष्ट्रियालाई पराजित गर्दै अन्तिम ८ मा स्थान बनाएको थियो । अब इटालीले सेमिफाइनलमा अर्का बिजेता स्पेन सङ्ग खेल्ने छ ।