थप १५१ जनामा कोरोना संक्रमण पुष्टि, १८२ जना संक्रमण मुक्त

२० जेष्ठ २०७८, कोशीपारी अनलाइन संवाददाता/कोशीपारी – काभ्रे जिल्ला भर आज गरेको कोरोना भाइरस (कोभिड-१९) परिक्षणमा १५१ जनामा कोरोना संक्रमण पुष्टि भएका छन् । आज गरिएको पिसिआर परिक्षणमा ११७ जनामा र एन्टिजेन्ट परिक्षणमा ३४ जनामा संक्रमण देखिएका हुन् । यो सङ्गै काभ्रेमा कोरोना संक्रमितको संख्या ९ हजार ४६७ पुगेको छ । त्यस्तै , पछिल्लो २४ घण्टामा १८२ जना कोरोना संक्रमण मुक्त भएका छन् यो सङ्गै कोरोना संक्रमण मुक्त हुनेको संख्या ७ हजार १४६ पुगेको छ । पछिल्लो २४ घण्टामा काभ्रे जिल्ला भर ३ जनाको मृत्यु भएको स्वास्थ्य कार्यालय काभ्रेका प्रमुख डा. नरेन्द्रकुमार झाले कोशीपारी अनलाइनलाई दिनुभएको छ । उहाँका अनुसार काभ्रेमा आज थपिएका संक्रमितहरुमा बनेपा, पाँचखाल, धुलिखेल, पनौती, नमोबुद्व, चौरीदेउराली,भुम्लु, मन्डनदेउपुर, रोशी र तेमाल गाउँपालिकाबाट रहेका छन् ।