काभ्रे भञ्ज्याङमा प्रहरीको गाडी र बोलेरो ठोकिएर दुर्घटना

७ जेष्ठ २०७८, कोशीपारी अनलाइन संवाददाता/काभ्रे : बीपी राजमार्ग अन्तर्गत काभ्रे भञ्ज्याङमा प्रहरीको गाडी र बोलेरो एक आपसमा ठोकिदा दुर्घटना भएका छन् । काभ्रे भञ्ज्याङ्बाट धुुुलिखेल तर्फ आउदै गरेको प्रहरीको गाडी र भकुण्डे तर्फ जाँदै गरेको कुखुरा बोक्ने बोलेरो गाडी आपसमा ठोकिएका हुन् । दुर्घटनामा दुबै तर्फ मानवीय क्षति भने नभएको जिल्ला प्रहरी कार्यालय काभ्रेले जनाएको छ । अत्याधिक तीब्र गतिमा रहेको प्रदेश ०२ ०३००१ च २३९६ नम्बरको बोलेरो गाडीले जिल्ला प्रहरी कार्यालय काभ्रेको प्र ३ ०१००२ झ ४८४१ नम्बरको गाडीलाई ठक्कर दिएको थियो । प्रहरीको गाडिमा ४ जना सवार थिए भने बोलेरोमा ३ जना सवार थिए । बोलेरो चालकलाई प्रहरीले नियन्त्रणमा लिएको छ ।