कोरोनाबाट नेपालमा एकै दिन ७६६० संक्रमित थपिए, उपत्यकामा मात्रै ३८९३, ५५ जनाको मृत्यु

२१ बैशाख २०७८, कोशीपारी अनलाइन संवाददाता/ काठमाडौ पछिल्लो २४ घण्टामा नेपालमा सबैभन्दा बढी संक्रमित फेला परेका छन्।  पछिल्लो २४ घण्टामा ७६६० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १६ हजार १३१ पीसीआर परीक्षणमा ७५८७ र ५७१ एन्टिजेन परीक्षणमा ७३ जनामा संक्रमण पुष्टि भएको हो ।

काठमाडौं उपत्यकामा मात्रै ३८९३ जना संक्रमित थपिएका छन्। जसमध्ये काठमाडौंमा  २७७९, भक्तपुरमा ५ सय १३, ललितपुरमा ६०१ संक्रमित फेला परेका हुन्।

योसँगै संक्रमितको संख्या ३ लाख ५१ हजार ५ पुगेको छ।

नेपालमा ५५ जना कोरोना भाइरस (कोभिड–१९) संक्रमितको मृत्यु भएको छ। स्वास्थ्य तथा जनसंख्या मन्त्रालयका अनुसार मंगलबार २४ घण्टामा अहिलेसम्मकै सबैभन्दा धेरैको मृत्यु भएको हो। 

योसँगै नेपालमा कोभिड संक्रमणबाट मृत्यु हुनेको संख्या ३ हजार ४१७ पुगेको छ।