काभ्रेमा कोरोना संक्रमितको संख्या १३३ पुग्यो, पछिल्लो थपिए ३४ जना नयाँ संक्रमित

१४ बैशाख २०७८, कोशीपारी अनलाईन

काभ्रेमा पछिल्लो एकैदिन ३४ जना कोरोना भाइरसका नयाँ संक्रमित थपिएका छन् । स्वास्थ्य कार्यालय काभ्रेका अनुसार यो सँगै जिल्लामा सक्रिय संक्रमितको संख्या १३३ पुगेको स्वास्थ्य कार्यालय काभ्रेका बरिष्ठ स्वास्थ्य प्रशासक डा. नरेन्द्र कुमार झा ले जानकारी दिएका छन् ।
थपिनेमा सबैभन्दा बढी बनेपा नगरपालिकाका ९ पुरुष र ६ महिला छन् । त्यस्तै पनौती नगरपालिकाका ४ जना पुरुष र ३ जना महिला, धुलिखेल नगरपालिकाका ३ जना पुरुष र १ महिला संक्रमित भएका छन् । पाँचखाल नगरपालिका १ जना महिला, १ जना पुरुष, नमोबुद्ध नगरपालिकाका १ महिला, मण्डनदेउपुरका १ जना महिला, २ जना पुरुष, तेमाल गाउँपालिकाका १ महिला र भुम्लु गाउँपालिकाका १ पुरुष रहेको स्वास्थ्य कार्यालय काभ्रेका बरिष्ठ स्वास्थ्य प्रशासक डा. झा ले जानकारी दिएका छन् ।
संक्रमित मध्ये १२७ जना होम आइसोलेसनमै रहेका छन् । अस्पतालको आइसोलेसनमा ६ जना रहेका छन् । जिल्लाको १३ वटा स्थानीय तह मध्ये सबैभन्दा बढी हालसम्म धुलिखेल नगरपालिकामा ३७ जना संक्रमित छन् ।