काभ्रेको चौरीदेउरालीमा कुकुरको टोकाईबाट २ जनाको मृत्यु

१४ बैशाख २०७८ कोशीपारी अनलाईन

काभ्रे – चौरीदेउराली गाउँपालिका वडा नम्बर– ६ कात्तिके देउरालीमा एउटै कुकुरको टोकाईबाट २ जना स्थानीय व्यक्तिहरुको मृत्यु भएको छ । कुकुरको टोकाइबाट मृत्यु हुनेमा वडा नं.६ कात्तिकेका सुकुराम तामाङ र सुसान्त पहरी भएको खुलेको छ ।

चौरीदेउराली गाउँपालिकाको स्वास्थ्य शाखा प्रमुख तेजबहादुर घिसिङले सुकुराम र सुसान्तको कुकुरले टोकेर भएको रेविजका कारणले मृत्यु भएको बताए । स्वास्थ्य प्रमुख घिसिङका अनुसार सुकरामलाई फागुन १६ गते तथा सुसान्तलाई फागुन ११ गते एउटै कुकुरले टोकेको थियो । एउटै कुकुरले टोक्दा सुकुरामको गत चैत ३० गते र सुसान्तको गत शुक्रबार मृत्यु भएको बताए उहाँले बताउनुभयो ।
कुकुरले टोकेपनि दुवै जनाले रेविज रोग विरुद्धको खोप नलगाएको कारण उनीहरु दुवैमा रेविजसँग मिल्दोजुल्दो लक्षण देखिएको र त्यसकै कारण उनीहरुको मृत्यु भएको हो । उक्त कुकुरले एउटै गाउँका अन्य थप चार जनालाई समेत टोकेको स्थानीयको भनाई छ । कुकुरले मान्छे टोक्दै हिडेपछि स्थानीयले कुकुरलाई मारेका थिए ।