काभ्रेपलाञ्चोक, असार २ – काभ्रेको चौरीदेउराली गाउँपालिका–२, नाग्रेगगर्चेस्थित बाँझखेतको श्री टाँसी बाल विकास आधारभूत विद्यालयका ३५ जना बालबालिकाले नयाँ झोला पाएका छन्। शैक्षिक सामग्री बोक्न प्रयोग हुने ती झोला कान्छी माया तामाङ फाउन्डेसन, धुलिखेलका अध्यक्ष डा. दिल बहादुर थोकर तामाङ र  चौरीदेउराली गाउँपालिका वडा नं ७ हाल बौद्ध निवासी  समाजसेवी कुल बहादुर लामाले प्रदान गरिएको हो।

झोला वितरण कार्यक्रमका बारेमा जानकारी दिँदै विद्यालयकी प्रधानाध्यापक लक्ष्मी लामाले सहयोगप्रति कृतज्ञता व्यक्त गरेकी छन्। झोला वितरण कार्यक्रम विद्यालय व्यवस्थापन समिति अध्यक्ष दम्जेदोर्जे लामाको सभाध्यक्षता, संस्थापक सदस्य नोर्बु घ्याम्चो लामाको आतिथ्य, तथा वडा सदस्य देबी श्रेष्ठको प्रमुख आतिथ्यमा सम्पन्न भएको थियो। कार्यक्रममा शिक्षक अभिभावक संघ अध्यक्ष प्रकाश योञ्जन तामाङ, विद्यालयका शिक्षक, कर्मचारी, विद्यार्थी र अभिभावकहरूको उल्लेखनीय उपस्थिति रहेको थियो।

ग्रामीण भेगका बालबालिकाको शिक्षामा निरन्तरता, प्रेरणा र उत्साह जगाउने उद्देश्यले गरिएको यो सहयोगले समुदायमा सकारात्मक सन्देश प्रवाह गरेको स्थानीय अभिभावकहरू बताउँछन्।