अबदेखि सुरक्षा निकायमा पनि सम्मानजनक भाषा बोल्नुपर्ने

काठमाण्डौं : पदको आधारमामा भाषाको प्रयोग हुदै आएको सुरक्षा निकायमा पनि अबदेखि सम्मानजनक भाषाको प्रयोग गर्नुपर्ने भएको छ। गृहमन्त्री बालकृष्ण खाँणले नेपाल प्रहरी, सशस्त्र प्रहरी र राष्ट्रिय अनुसन्धान विभागका अधिकारीहरुलाई बोलीचालीको भाषामा ‘तँ’ शब्दको प्रयाेग नगर्न निर्देशन गरेका छन् ।

नेपालका सुरक्षा संगठनमा बोलचालमा माथिल्ला पदमा भएकाले तल्लो पदमा भएकालाई ‘तँ’ भनेको सुनिएको बताउदै जुनसुकै तहका कर्मचारीलाई बोलाउँदा पनि ‘सम्मानार्थी’ शव्द प्रयोग गर्न निर्देशन दिनुएका छन् ।

मुस्कानसहितको सेवा सञ्चालन गरिरहेका नेपाल प्रहरी, सशस्त्र प्रहरी र राष्ट्रिय अनुसन्धान विभागले अब सम्मानसहितको सेवा पनि सञ्चालन गर्न गृहमन्त्री खाँणले निर्देशन दिएको प्रहरीले जनाएको छ ।

मन्त्रीले निर्देशन दिने कार्यक्रममा गृहसचिव टेकनारायण पाण्डे, सशस्त्र प्रहरी महानिरीक्षक शैलेन्द्र खनाल, नेपाल प्रहरीका एआइजीपी विश्वराज पोखरेल, गृह मन्त्रालयका कर्मचारी प्रशासन महाशाखा प्रमुख सहसचिव सुनिल खनालको सहभागिता रहेको थियो ।