देशभर थप ५४५ जनामा कोरोना संक्रमण पुष्टि, ८ को मृत्यु

 

काठमाडौं : पछिल्लो २४ घण्टामा ५ सय ४५ जनामा कोरोना संक्रमण पुष्टि भएको छ । त्यस्तै सोही अवधिमा ८ को मृत्यु भएको स्वास्थ्य तथा जनसंख्या मन्त्रालयले जनाएको छ ।

मन्त्रालयको अनुसार पछिल्लो २४ घण्टामा ८ हजार ५ सय ४९ जनाको आरटी–पीसीआर र एन्टिजेन विधिबाट परीक्षण गर्दा ५ सय ४५ जनामा कोरोना संक्रमण पुष्टि भएको हो । ६ हजार ५ सय ८६ जनाको आरटी–पीसीआर विधिबाट परीक्षण गर्दा ४ सय ७० जना र १ हजार ९ सय ६३ जनाको एन्टिजेन विधिबाट परीक्षण गर्दा ७५ जनामा कोरोना संक्रमण पुष्टि भएको हो ।

योसँगै नेपालमा कोरोना भाइरस संक्रमितको कुल संख्या ९ लाख १ हजार २ सय ९३ पुगेको छ । त्यस्तै पछिल्लो २४ घण्टामा ७२६ जना कोरोनामुक्त भएका छन्।