क्षतिको अध्ययन गरि समुचित राहत उपलब्ध गराउने प्रधानमन्त्रीेको प्रतिबद्दता

सुर्खेत : प्रधानमन्त्री शेरबहादुर देउवाले बेमौसमी अबिरल बर्षाका कारण भएको क्षतिको अध्ययन गरेर थप राहतको व्यवस्था गर्ने प्रतिबद्दता ब्यक्त गरेका छन् ।

सुदूरपश्चिम प्रदेशमा भएको बाढी पहिरो प्रभावित क्षेत्रको निरीक्षण गर्न जादै गर्दा सुर्खेत बिमानस्थलमा संचारकर्मीहरुसँग कुराकानी गर्दै प्रधानमन्त्री देउवाले बाढी पहिरोले नेपालमा पुर्याएको अपुरणीय क्षति गरेको अबस्थामा जनताको साथमा रहने बताएका छन् ।

प्रधानमन्त्री देउवाले स्थलगत रुपमा अध्ययन गरेर थप राहतको व्यवस्था गरिने जानकारी दिएका छन् । प्रभावित क्षेत्रको निरीक्षण गरि जनताको अबस्थाको वास्तविक अध्ययनगरेर थप राहतको माध्यमबाट जनताको दुखमा साझेदारी गर्ने उल्लेख गरेका छन् ।

प्रधानमन्त्री देउवाले जलवायु परिवर्तनका असरका बारेमा अन्तर्राष्ट्रिय जगतमा कुरा राख्ने र आगामी दिनमा सहजता आउने  समेत  बताएका छन् ।