नेपाल तामाङ घेदुङ, इजरायलले वार्षिकोत्सव,एकता दिवस तथा प्रत्यक्ष अधिवेशन आयोजना गर्दै

काठमाण्डौं  : नेपाल तामाङ घेदुङ, (इजरायल संस्था ) ले हरेक वर्षहरूमा झै यस वर्ष पनि संस्थाका विधान अनुरुप ऐतिहासिक सातौं वार्षिकोत्सब,एकता दिवस तथा अधिवेशन प्रत्यक्ष कार्यक्रमको आयोजना गर्ने भएको छ।

कार्यक्रम नेफिन इजरायलको कार्यलाय १९ नोभेम्बर २०२१ शुक्रबार साँझ ७ : ०० बजेको लागि तय भएको महासचिव निङमा तामाङले जानकारी दिएका छन् । नेपालका विभिन्न जिल्लाबाट मध्यपुर्वी राष्ट्र इजरायलमा रोजगारीको सिलसिलामा इजरायल गएका तामाङ नाना-आङा, ज्योज्यो-आले समुदायका नेपालीहरु संस्थामा आबद्द छन् । नेपाली तामाङ समुदायको राष्ट्रिय जातीय भाषा, भेषभुषा,धर्म,कला, रितिरिवाज,लिपि,मौलिक, संस्कार, संस्कृतिलाई संरक्षण र सम्बर्द्धन गर्ने उद्देश्यले सस्थाको स्थापना भएको महासचिव तामाङले जनाएका छन् । हाल संस्थाले तामाङ समुदायको हक र अधिकार प्राप्तिको लागि बुलन्द अवाज उठाउदै सबै संस्थाहरु एकताबद्ध बनाउदै आएको समेत महासचिव तामाङले उल्लेख गरे ।

इजरायलमा रहनुहुने सम्पुर्ण तामाङ जनहरुले सदस्यता लिनुभई तामाङ समुदायको पहिचानलाई संरक्षण र सम्बर्द्धन गराउन साथ दिनुहुन अपिल गरेका छन्। कार्यक्रम सब्य र भव्य रुपमा सफल पारिदिनुहुन इजरायलमा आबद्ध विभिन्न राजनीतिक,धार्मिक,समाजिक संघ संस्थाहरुका अध्यक्ष ज्युहरु,एवं पदाधिकारी ज्युहरु,मिडियाकर्मिज्युहरु,लगायत नेपाली दाजुभाई तथा दिदिबहिनीहरुमा गरिमामय उपस्थितिको निमित्त समेत अनुरोध गरेका छन्।