बाढीपहिरो पीडितलाई ५ लाख दिने मन्त्रिपरिषद्को निर्णय

बेमौसमी बर्षाका कारण बाढी, पहिरो पीडित बनेका घर भत्काएकाहरुलाई घर निर्माणका लागि ५ लाखसम्म आर्थिक सहयोग उपलब्ध गराउने सरकारले निर्णय गरेको छ ।

बुधबार बसेको मन्त्रिपरिषद्को आकस्मिक बैठकले पहाडमा घर बनाउन ४ लाख, हिमालमा ५ लाख र तराईमा ३ लाख उपलब्ध गराउने निर्णय गरेको गृहमन्त्री बालकृष्ण खाणले बताएका छन् । मन्त्रि खाणले घर निर्माणका लागि जग्गाको अभाव हुनेका लागि थप ३ लाख उपलब्ध गराइने पनि उल्लेख गरेका छन् । विपद् व्यवस्थापन समितिको तर्फबाट घरबारविहीन भएकाहरुलाई तत्काल ५० लाख पनि उपलब्ध गराउने निर्णय भएको छ ।

अविरल वर्षाका कारण धानबालीमा पुर्याएको क्षतिको विवरण संकलन र अध्ययन गरेर किसानलाई राहत दिने निर्णय गरेको पनि गृहमन्त्री खाणले जानकारी दिए । बाढी, पहिरोका कारण मृत्यु भएकाहरुका घरपरिवारलाई २ देखि ४ लाखसम्म आर्थिक सहयोग दिने निर्णय गरेको पनि उनले स्पस्ट पारेका छन् ।