बाढीका कारण इनरुवा सबस्टेसन डुबानमा, कमाण्डवाल बगायो

 

काठमाडौं : अविरल वर्षासँगै सुनसरी खोलामा आएको बाढीका कारण सुनसरीको भोक्राहा नरसिंह गाउँपालिकामा निर्माणाधीन ४०० केभी र २२०/१३२/३३ केभी इनरुवा सबस्टेसन डुबानमा परेको छ । सुनसरी खोला नै सबस्टेसनमा पस्दा ठूलो क्षति पुगेको छ ।

बाढीले सबस्टेसनको कम्पाउण्डवाल बगाएको छ । जडानका लागि राखिएका उपकरणहरु डुबेका छन् । बाढीले केही उपकरणहरु बगाएको र कार्यालय भवनसमेत डुबानमा परेको नेपाल विद्युत प्राधिकरणका कार्यकारी निर्देशक कुलमान घिसिङले जानकारी दिए । बाढीका कारण सबै डुवानमा परेकाले उपकरणहरुमा क्षति पुगेको छ । आगामी पुसभित्र निर्माण सम्पन्न गरी संचालन गर्ने लक्ष्यका साथ दुवै सबस्टेसनको काम भइरहेको थियो