सरकार र आमरण अनसनमा रहेकी रुबी खानबीच सहमति

काठमाण्डौं : सरकार र आमरण अनसनरत रुबी खानबीच मंगलबार सहमति तथा वार्ता भई खानले आफ्नो अनसन स्थगित गर्ने भएकी छन् ।रुबीको माग सम्बोधन गर्न गृहमन्त्रालयका सहसचिव हिरालाल रेग्मीको नेतृत्वमा ६ सदस्यीय छानविन समिति गठन गर्ने सहमित भएसँगै अनसन स्थगित गर्ने सहमति भएको हो।

७ दिनभित्र प्रतिवेदन बुझाउने गरी बनेको छानविन समितिमा आन्दोलनकारीको तर्फबाट मुस्लिम समाज चेतना केन्द्रका अध्यक्ष मोहमद शेर बागवानको समेत सहभागिता छ। अनसनरत रुबीले बाँकेका एसपी श्यामकृष्ण अधिकारी लगायतलाई तत्काल सरुवा गर्नुपर्ने भनि राखेको मागलाई गृहमन्त्रालयका अधिकारीहरुले भने दाषी देखिएकालाई कारबाही गर्ने र खानको मागप्रति सकारात्मक रहेको समेत बताएका छन् ।सहमतिबारे अहिले केहीबेरमा माइतीघर मण्डलामा पत्रकार सम्मेलनमार्फत जानकारी दिइने मानवअधिकारकर्मी मोहना अन्सारीले बताएकी छन् ।

बाँकेका नन्कुन्नी धोबी र निर्मला कुर्मी लागतको न्यायका लागि १४ जना २० दिन हिँडेर काठमाडौं आएका थिए । काठमाडौं आए लगत्तै प्रहरीले
उनीहरुलाई धरपकड गरेपछि रुबीले आमरण अनसन थालेकी थिइन् ।