दशैंमा बन्द भएका सरकारी कार्यालय खुल्न थाले, पुरानै लयमा फर्कियो उपत्यका

 

काठमाडौं : बडादशैमा बन्द भएका सरकारी कार्यालयहरु आजबाट खुलेका छन् । दशैंको विदा सकिएसँगै विभिन्न जिल्लाहरुमा चहलपहल पनि बढेको छ ।

दशैं मनाउन गाउँघर गएकाहरु काठमाडौं उपत्यका भित्रिने क्रम जारी छ । काठमाडौंका कलंकी, बल्खु, कोटेश्वर, बालाजु लगायतका नाकाहरुमा दशै मनाएर राजधानी फर्कनेहरुको भिड बढेको छ । सडकहरुमा गाडीको संख्या पनि बाक्लिंदै गएको छ । सवारी साधनको चहलपहल बढे पनि सडकमा जाम हुने गरी चाप भने अझै नभइसकेको ट्राफिक प्रहरीले जनाएको छ । यद्यपि आज टीकाको तेस्रो दिन पनि मान्यजन तथा आफन्तबाट टीका थाप्ने र आशिर्वाद लिने क्रम चलिरहेको छ ।