दशैंको टिका साइतमै राम्रो

साइत भनेको उत्तम समय हो । जे काम गर्नका लागि पनि राम्रो समयबाट सुरु गर्यो भने त्यसको फल राम्रो हुन्छ भन्ने विश्वास रहन्छ । यस बर्षको दशैंको सबैभन्दा राम्रो समय भनेर पञ्चाङ्ग निर्णायक समितिले निर्धारण गरेको समय बिहान १० बजेर २ मिनेट हो ।

साहितमै भ्याइएन भने साइत गयो टीका लगाउन हुँदैन भन्ने चाहि छैन । देवीको प्रसाद मान्यजनको हातबाट आशीर्वचन साथमा टीका लगाउने हुनाले जहिले पनि गर्न सकिन्छ । तर, सबैभन्दा पहिले सुरु गर्नको लागि राम्रो समय भनेको १०ः०२ मिनेट नै हो । बिजया दशमी देखि पूर्णिमाको दिनसम्म पनि टीका लगाउने चलन छ । माइती, मावली, ससुराल सबैतिर यता, त्यता जाँदा अर्कै उत्साह हुन्छ । एकैदिन एउटै समयमा त सम्भव छैन् त्यसैले पुर्णिमा सम्म नै टिका लगाउन सकिन्छ ।

पूर्णिमा नभइ दशैँ सकिँदैन । देवीको आराधना चाहिँ नवरात्र सकिएपछि सकिन्छ । त्यही प्रसाद पछि लगाउने हो । यदि विजयादशमीको दिन बिहान १० बजेर ०२ मिनेटमा उत्तम साहित् पारि लगाउन सुरु गरेको टिका लगाउन भ्याइएन भने जतिखेर लगाए पनि केही फरक पर्दैन ।