असंलग्न मुलुकको बैठक सकेर परराष्ट्र मन्त्री खड्का स्वदेश फिर्ता

सर्बियाको बेलग्रेडमा आयोजना भएको असंलग्न मुलुकहरूको उच्चस्तरीय बैठकमा भाग लिएर परराष्ट्र मन्त्री नारायण खड्का बुधबार स्वदेश फिर्ता भएका छन्।

सर्बिया र अजरबैजानका परराष्ट्र मन्त्री निकोला सेलाकोविक तथा जेहुन ब्यरामभको निमन्त्रणामा परराष्ट्र मन्त्रालयका पदाधिकारी सम्मिलित प्रतिनिधिमण्डलको नेतृत्व गरी मन्त्री खड्का असोज २२ गते बेलग्रेड गएका थिए। असोज २५ र २६ गतेको असंलग्न राष्ट्रहरूको उच्चस्तरीय बैठकमा भ्रमण सफल र नेपालको निम्ति फलदायी रहेको मन्त्री खड्काले बताए। उनले भने,’सम्बोधनको क्रममा मैले संख्यात्मक र नैतिक धरातलमा मजबुत असंलग्न आन्दोलनले विकासको क्रममा पछि परेका धेरै मुलुकका आवाजलाई समेटेर शान्तिपूर्ण, न्यायिक र समृद्ध विश्वको निर्माण गर्न जरूरी भएको औंल्याएको छु।’

उनले आन्दोलनलाई त्यसका सदस्यलगायत सबैले आ-आफ्नो स्थानबाट उपयुक्त सहयोग गरिदिन र भावी पुस्ताको लागि शान्त र समृद्ध विश्व समाजको निर्माण गर्न पनि बैठकमार्फत् सबैलाई अपिल गरेको जान कारी गराएका छन् ।