मुगुमा बस दुर्घटना हुँदा २३ जनाको मृत्यु, घाइते १४ लाई नेपालगञ्ज लगियो

 

काठमाडौँ– मुगुमा बस दुर्घटना हुँदा २३ जनाको मृत्यु भएको छ। १८ जना घाइते भएका छन्।

नेपालगञ्जबाट मुगुको गमगढी जाँदै गरेको भे १ ख ३१६७ नम्बरको बस दुर्घटनामा परेको हो। ३९ जना यात्रु रहेको बस दिउँसो २ बजेतिर दुर्घटनामा परेको हो । मंगलबार भएको बस दुर्घटनामा घाइते भएका १४ जनालाई उपचारका लागि नेपालगञ्ज लगिएको छ ।

दुर्घटनामा घाइते भएकामध्ये १२ जनालाई समिट एयरको विमानबाट र २ जनालाई नेपाली सेनाको हेलिकप्टरबाट नेपालगञ्ज लगिएको कर्णाली प्रदेश प्रहरी कार्यालयका प्रहरी उपरीक्षक माधवप्रसाद श्रेष्ठले जानकारी दिए ।