आज देखि टेलिकमले ल्यायो चाडपर्व अफर

आज देखि लागु हुने गरि नेपाल टेलिकमले दशैं, तिहार र छठका लागि विभिन्न अफर ल्याएको छ । टेलिकमले डाटा र भ्वाइस प्याक तथा रिचार्ज गर्दा बोनससहितको पर्व अफर उपलब्ध गराउने जनाएको छ । दशैं अफर असोज १९ गतेदेखि कात्तिक २ गतेसम्म तथा तिहार, र छठ अफर कात्तिक १६ गतेदेखि कात्तिक २४ गतेसम्म उपलब्ध गराउने प्रवक्ता राजेश जोशीले जानकारी दिए ।

डाटा प्याक २ सय ९४ रुपैयाँमा २० जीबी डाटा १० दिनभित्र र ९८ रुपैयाँमा ६ जीबी डाटा ३ दिनभित्र प्रयोग गर्न सकिनेछ । त्यसैगरी कम्पनीले एकदिनका लागि १ एमबीपीएस गतिको अनलिमिटेड प्याक ६९ रुपैयाँमा उपलब्ध गराउने भएको छ । भ्वाइस सेवा अन्तर्गत २५ रुपैयाँमा २४ घण्टा प्रयोग गर्न सकिने ४५ मिनेटको प्याक, ४० रुपैयाँमा तीन दिन प्रयोग गर्न सकिने ८० मिनेटको प्याक र ५ सय रुपैयाँमा ३५ दिनसम्म प्रयोग गर्न सकिने १ हजार ३ सय मिनेटको प्याक उपलब्ध गराउने छ ।

उपलब्ध प्याक जुनसुकै समयमा प्रयोग गर्न मिल्ने छ ।यसैगरी अफर अवधिमा एमपोसमार्फत रिचार्ज गर्दा बोनसको रूपमा डाटा प्याक उपलब्ध हुने समेत कम्पनीले जनाएको छ । २ सय रुपैयाँदेखि ४ सय ९९ रुपैयाँसम्म रिचार्ज गर्दा २ दिनभित्र प्रयोग गर्न सकिने ५ सय एमबी र ५ सय रुपैयाँभन्दा बढीको रिचार्जमा ४ दिनभित्र प्रयोग गर्न सकिने एक जिबी डाटा प्याक उपलब्ध गराउने टेलिकमको योजना छ ।