साढे ३३ किलो सुनकाण्ड : गोरेसहित ८ जना दोषी ठहर, गोरेलाई जन्मकैद सजाय

 

साढे ३३ किलो सुन तस्करी प्रकरणमा भरिया सनम शाक्यको हत्यामा संलग्न ८ जना दोषी ठहर भएका छन् भने ४८ जनाले सफाइ पाएका छन् ।

सनम शाक्यको हत्यामा जन्मकैद पाउनेमा गोरे भनिने चुडामणि उप्रेती, टेकराज मल्ल ठकुरी, लाक्पा शेर्पा, मोहन काफ्ले नरेन्द्र कार्की र भोजराज भण्डारी रहेका छन् । थप दुई जनालाई तीन वर्ष ६ महीना कैद सजाय हुने भएको छ । गोरेलाई अपहरण तथा शरीर बन्धक दोषी ठहर गरिएको छ भने अन्यले सफाइ पाएका छन् । फरार रहेका २१ जनाको मुद्दा मुल्तबीमा राखिएको छ ।

अपहरण तथा शरीर बन्धकमा गोरे मात्र दोषी ठहर भएका छन् । अन्यले सफाइ पाएका छन् । सुन तस्करीका मुख्य अभियुक्त चुडामणि उप्रेती गोरे २०७५ सालको जेठमा पक्राउ परेका थिए । तत्कालीन समयमा सुन तस्करीबारे छानविन गरिरहेको उच्चस्तरीय समितिले उनलाई पक्राउ गरेपछि सनम शाक्य हत्याको मुद्दा चलिरहेको मोरङ जिल्ला अदालतमा उपस्थित गराएको थियो । गोरेलाई गौरीघाटबाट पक्राउ गरिएको थियो ।