कूटनीतिक पहलमार्फत लिपुलेकको जनगणना गर्न नेविसंघको माग

 

काडमाण्डौं : नेपाली कांग्रेसको भ्रातृ संगठन नेपाल विद्यार्थी संघले कूटनीतिक पहलमार्फत भएपनि कालापानी र लिपुलेकको जनगणना सम्पन्न गर्न ध्यानाकर्षण गरेको छ। सोमबार विज्ञप्ति निकालेर नेपाली भूमिबाटै जनगणना गर्नका लागि बाटो नभएकाले भारत सरकारसँग कूटनीतिक पहल गरेर जनगणना गर्न माग गरेका हुन्।

महाकालीपारि दार्चुलाको व्याँस गाउँपालिका– १ को छाङरु, तिंकर र त्योसँगै जोडिएको कालापानी, लिपुलेक क्षेत्रमा २०१८ सालपछि जनगणना हुन सकेको छैन । विज्ञप्तिमा नयाँ नक्सामा परेका महाकालीपारिको कालापानी, लिपुलेक क्षेत्रमा घर तथा घरपरिवार सूचीकरण हुन नसकेको विषयमा नेविसंघले सरकारको ध्यानाकर्षण गराएको हो।

राष्ट्रिय जनगणनाका लागि सुपरिवेक्षण पठाउन नै आनाकानी गर्दा मुलुकको नयाँ ‘चुच्चे नक्सा’ मा परेका महाकाली पारिको कालापानी, लिपुलेक क्षेत्रमा घर तथा घरपरिवार सूचीकरण हुन नसकेको छैन् ।  साथै पहिलो चरणको सूचीकरणका लागि उक्त क्षेत्रमा जान नेपालबाटै बाटो नभएको र भारतको बाटो भएर जानका लागि सरकारले नअह्राएको भन्दै जिल्ला तथ्यांक कार्यालयले सुपरिवेक्षक नै नपठाएकोप्रति नेविसंघले सरकारको ध्यानाकर्षण गराएको छ।