जिप दुर्घटना हुँदा २ विद्यार्थीको मृत्यु, ३ घाइते

 

काठमाडौँ :  सल्यानको शारदा नगरपालका २ बाङ्गेसल्लास्थित राप्ती राजमार्गमा जिप दुर्घटना भएको छ । दुर्घटनामा परेर २ जनाको मृत्यु भएको छ । राजमार्गमा गुडिरहेको जिप अनियन्त्रित भई दुर्घटना हुँदा रुखको छहारीमा बसिरहेका पाँच विद्यार्थीलाई ठक्कर दिएको थियो ।

जिपको ठक्करबाट घाइते २ विद्यार्थीको उपचारको क्रममा मृत्यु भएको हो । अन्य तीन जनाको भने उपचार जारी छ । जिप चालकलाई प्रहरीले नियन्त्रणमा लिएको छ ।