अभ्यास खेलमा नेपाल ओमानसँग ७ – २ ले पराजित

 

काठमाण्डौं : साफ च्याम्पियनसिपको तयारीमा रहेको नेपालले आइतबार अभ्यास खेलमा ओमानसँग फराकिलो अन्तरले पराजय भोग्न परेको छ । नेपालले खेलमा २ गोल मात्र गर्दा ओमानले ७ गोल नेपाली पोस्टमा सफल प्रहार गरेको छ ।

पहिलो हाफमा कम अनुभवी खेलाडीलाई उतारेको ओमानले दोस्रो हाफमा भने अधिकांश पहिलो रोजाइका खेलाडीलाई खेलाएको थियो । नेपालका लागि आयुष घलान र अनन्त तामाङले एक गोल गरे । ओमानलाई जित दिलाउन अब्दुल्लाजिज अल मुक्बालीले दुई गोल गरे भने फामी सेद, मोसेन जाहर, इसाम अल सुभी, मोहसेन अल घासनी र जमिल एल यह्मादीले एक एक गोल गरे । ओमान फिफा वरीयताको ९०औं स्थानमा रहेको बलियो टिम हो । खेल कतारको दोहामा भएको थियो ।

नेपाली टोली आज कतारबाटै माल्दिभ्स जानेछ । साफ अक्टोबर एक देखि १५ सम्म माल्दिभ्समा हुनेछ ।