एमाले केन्द्रीय कमिटी बैठक बस्दै

 

काठमाडौँ : विधान महाधिवेशनमा प्रस्तुत गरिने प्रतिवेदनहरू माथि छलफल गर्न नेकपा एमाले केन्द्रीय कमिटीको बैठक आज बस्दै छ । बैठक बिहान ११ बजे तुलसीलाल प्रतिष्ठान च्यासलमा बस्ने छ । बैठक दुई दिन चल्नेछ ।

बैठकमा अध्यक्ष केपी शर्मा ओलीले राजनीतिक प्रतिवेदन, महासचिव ईश्वर पोखरेलले संगठनात्मक प्रस्ताव र संगठन विभागले विधान संशोधनको मस्यौदा प्रस्तुत गर्नेछन् । गत आइतबार र सोमबार भएको स्थायी कमिटी बैठकमा अध्यक्ष ओलीले प्रस्तुत गरेको राजनीतिक प्रतिवेदनमाथि कमिटीका सदस्यहरूले सुझाव प्रस्तुत गरेका थिए । केन्द्रीय कमिटीबाट अनुमोदन गरिएको राजनीतिक प्रतिवेदन असोज १५ देखि १७ गतेसम्म हुने एमालेको विधान महाधिवेशनमा अध्यक्ष ओलीले प्रस्तुत गर्नेछन् । स्थायी कमिटीको बैठकमा आएका सुझाव समेटेर तयार पारिएको राजनीतिक प्रतिवेदनलाई केन्द्रीय कमिटी बैठकमा प्रस्तुत गर्ने अध्यक्ष ओलीले बताएका थिए ।