नेकपा एसको महासचिवमा बेदुराम भुसाल

काडमाण्डौं : एक महिना अघि मात्रै निर्वाचन आयोगबाट मान्यता पाएको नेकपा एकीकृत समाजवादीले केन्द्रीय सांगठनिक संरचनालाई पूर्णता दिने भएको छ । नेकपा एकीकृत समाजवादीले बिहीबार महासचिवको टुंगो लगाउने भएको छ । मंगलबारदेखि जारी केन्द्रीय कमिटीको बैठक महासचिव चयनका लागि एक दिन थप भएको हो ।

अहिले स्थायी कमिटीमा अध्यक्ष माधव नेपाल, वरिष्ठ नेता झलनाथ खनाल, मुकुन्द न्यौपाने, भुसाल र प्रमेश हमाल छन् । केन्द्रीय कमिटीको एक तिहाइ पोलिटब्युरो र पोलिटब्युरोको एकतिहाइ स्थायी कमिटी सदस्य रहनेछन् । पार्टीका सबै कमिटीहरू समावेशी चरित्र बनाउने र सबै पार्टी कमिटीमा युवालाई उचित स्थान दिने नेकपा एसको योजना छ । पार्टीको महासचिवका लागि बेदुराम भुसाल, मुकुन्द न्यौपाने, राजेन्द्र पाण्डे, डा। विजय पौडेल, रामकुमारी झाँक्री, प्रकाश ज्वाला, डा। गंगाधर तुलाधरको चर्चा हुदै आएतापनि नेकपा एकीकृत समाजवादीको महासचिव बेदुराम भुसाल बन्ने भएका छन् । सचिवालयको बैठकमा भुसाललाई महासचिव बनाउने सहमति जुटेको एक नेताले बताए । भुसाललाई महासचिव बनाउन सहमति सचिवालयका नेताहरुबीच जुटेको छ । मंगलबार देखि शुरु भएको एकीकृत समाजवादीको केन्द्रीय कमिटी बैठक आज सकिँदैछ ।