थप १ हजार ५ सय ११ जनामा कोरोना संक्रमण पुष्टी, ११ जनाको मृत्यु

काठमाडौं : आज नेपालमा १ हजार ५ सय ११ जनामा कोरोना भाइरस संक्रमण पुष्टी भएको छ । त्यस्तै संक्रमणबाट आज थप ११ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार २ पुगेको स्वास्थ्य मन्त्रालयले जनाएको छ ।

नेपालमा आज थपिएसंगै कुल संक्रमितको संख्या ७ लाख ८१ हजार ९ सय ८९ पुगेको छ । त्यस्तै, आज १ हजार ६ सय ८९ जना संक्रमणमुक्त भएका छन् । हालसम्म ७ लाख ४५ हजार २ सय १५ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १६ सय ६५ पिसीआर र ३ सय ४६ एन्टिजेन विधिबाट संक्रमण पुष्टि भएको हो ।