काठमाडौंमा चल्यो ठूलो हुरीबतास, जनजीवन प्रभावित

निर्मला तामाङ / कोशीपारी अनलाइन सम्बादाता राजधानीमा बिहीबार राति भयानक हावाहुरी आएको छ । राति ९ बजेदेखि करिब हावाहुरी चलेको हो । हावाहुरीबाट अहिलेसम्म क्षतिको कुनै विवरण नआएको प्रहरीले जनाएको छ ।  कतिपय यात्रामा भएका अथवा घरबाहिर भएकाहरु नराम्ररी प्रभावित भएका थिए ।  देशको दक्षिण पश्चिमबाट  मेघ गर्जन र  चट्याङ सहित वर्षा गराउने बादल विकसित  भई रहेको र  उक्त प्रणाली उत्तरपूर्व तिर सर्ने क्रममा रहेको जल तथा मौसम पूर्वानुमान महाशाखाले जनाएको छ । हुरीले राजधानीको अधिकांश स्थानमा बिजुली गएकाे समाचार छ ।