मध्य भोटेकोशी जलविद्युत परियोजनाले वैशाख २१ गतेदेखि आयोजना प्रभावितलाई आइपीओ बिक्री गर्ने

कोशीपारी अनलाईन,

२०७८ वैशाख १३, काठमाडौं ।

मध्य भोटेकोशी जलविद्युत परियोजनाले वैशाख २१ गतेदेखि सिन्धुपाल्चोक जिल्लाका आयोजना प्रभावित स्थानीय तथा सिन्धुपाल्चोक जिल्लाका अन्य क्षेत्रमा स्थायी बसोबास गर्ने बासिन्दाहरुको लागि ६० लाख कित्ता आइपीओ जारी गर्ने भएको छ ।

कम्पनीले सिन्धुपाल्चोक जिल्लाको आयोजना प्रभावित क्षेत्र भोटेकोशी गाउँपालिका वडा नम्बर १ र ५ (साविक लिस्ती गा.वि.स. र साविक मार्मिंग गा.वि.स.) र बाह्रबिसे नगरपालिका वडा नम्बर ५ र ६ (साविक गाती गा.वि.स.) तथा बाह्रबिसे नगरपालिका वडा नम्बर ७ र ८ (घुम्थांग गा.वि.स. र मानेश्वरा गा.वि.स.) मा स्थायी बसोबास गर्ने बासिन्दाहरुको लागि ३०% ले हुन आउने १८ लाख कित्ता साधारण शेयर र माथि उल्लेखित आयोजनाबाट प्रभावित क्षेत्र बाहेक सिन्धुपाल्चोक जिल्लाका अन्य क्षेत्रमा स्थायी बसोबास गर्ने बासिन्दाहरुको लागि ७०% ले हुन आउने ४२ लाख कित्ता साधारण शेयर निष्काशन गरिएको छ ।