अन्तरिक्षमा फिल्मको छायांकन गरेर फर्किए रुसी फिल्म टोली

 

काठमाण्डौं : अन्तरिक्षमा पहिलो पटक चलचित्रको छायांकन गरेर चलचित्र ‘च्यालेञ्ज’को टोली फर्किएको छ । चलचित्र ‘च्यालेञ्ज’को छायांकनका लागि नायिका यूलिया पेरेसिल्ड, निर्देशक क्लिम शेपिंकोसँगै अन्तरक्षि यात्री ओले नावित्सकी पनि फर्किएका छन् ।

अन्तरिक्षमा पहिलो पटक पुगेको रुसले पहिलो फिल्म छायांकन गरेको छ । रुसी फिल्म टोलीले १२ दिनसम्म अन्तरिक्षमा करिब ४० मिनेट लामो दृश्यको छायांकन गरेको हो । उक्त टोली आइतबार नेपाली समय अनुसार बिहान ७ बजे अन्तरिक्षबाट फर्किएको थियो । उनीहरु बिहानको सवा १० बजे काजकिस्तानमा अवतरण गरेका थिए । अवतरणपछि सबै सदस्यहरु सुरक्षित रहेको बताइएको छ । पेरेसिल्ड र शिपेंको चलचित्र छायांकनका लागि अक्टुबर ५ मा आईएसएसमा पुगेका थिए । एक अन्तरिक्ष यात्रीको ज्यान बचाउनका लागि अन्तरराष्ट्रिय स्पेश स्टेशनमा उडान भर्ने एक महिला डाक्टरको कथामा यो चलचित्र निर्माण गरिएको छ ।