बहुमुखी प्रतिभाका धनी देव पुनद्वारा निर्देशित ‘कान्छी रे’ म्यूजिक भिडियो सार्वजनिक

 

नेपाली गीत संगित जगतमा दर्शकहरुले निकै रुचाउँदै आएका संगितकार तथा निर्देशक देव पुनद्वारा निर्देशित नयाँ म्यूजिक भिडियो सार्वजनिक भएको छ । उनीद्वारा निर्देशित ‘कान्छी रे’ बोलको नयाँ म्यूजिक भिडियो युट्युबमा सार्वजनिक गरिएको हो ।

पछिल्लो समयमा म्युजिक भिडियोतिर निकै ब्यस्त हुँदै आईरहेका पुन आफैले निर्देशन गरेका उक्त गीतमा कलाकार लिया पुनले म्यजिक भिडियोमा डेब्यु गरेकी छिन् । देव पुन आफैले निर्देशन गरेको यस भिडियोमा छाँयाकन पनि उनी आफैले गरेका छन् । निर्देशक पुन र बिग आईकन विजेता गगन पुनको एक पछि अर्को म्यूजिक भिडियोहरु बजारमा आईरहेका छन् ।

गीतमा बिग आईकन बिजेता गगन पुन र एलिना चौहान स्वर रहेको छ भने संगीत पनि स्यंयम गगन पुनले नै गरेका छन् । ‘कान्छी रे’ गीतमा शब्द राज पुन मगरको रहेको छ । भिडियोमा गगन पुन र लिया पुनको अभिनय देख्न सकिन्छ । त्यस्तै दिलकुमारी रामजाली, संजिव थापा आदि कलाकारहरुको पनि अभिनय रहेको छ । यस भिडियो सुवास जि सीले सम्पादन गरेका छन् । सुटिङ सबै म्याग्दी जिल्लाको रघुगङ्गा गाउँपालिका अन्तर्गत पर्ने दग्नाम गाउँमा गरिएको निर्देशक देव पुनले जानकारी दिए ।