सरकार र विप्लव समूहबीच तीन बुँदे सहमतिपत्रमा हस्ताक्षर

काठमाडौं । सरकार र नेत्रविक्रम चन्द ‘विप्लव’ नेतृत्वको नेकपाबीच भएको सहमतिमा हस्ताक्षर भएको छ । काठमाडौंको राष्ट्रिय सभागृहमा प्रधानमन्त्री केपी शर्मा ओली र विप्लवको उपस्थितिमा सहमतिमा हस्ताक्षर भएको हो ।

सरकार र विप्लव समूहबीच बिहीबार तीन बुँदे सहमति भएको थियो । सहमतिमा दुबै पक्षका वार्ता टोलीका संयोजक रामबहादुर थापा बादल र खड्कबहादुर विश्‍वकर्मा प्रकाण्डले हस्ताक्षर गरेका छन् ।

हस्ताक्षर भएपछि प्रधानमन्त्री र चन्दले सम्बोधन गर्ने कार्यक्रम रहेको छ ।

सरकारले गृहमन्त्री रामबहादुर थापा बादल र राजन भट्टराई तथा विप्लव समूहले खड्गबहादुर विश्वकर्मा र उदय चलाउने रहेको अलग अलग वार्ता टोली गठन गरेका थिए ।

दुबै पक्ष देशको राजनीतिक समस्याहरु वार्ता र संवादमार्फत सहमत

नेपाल कम्युनिस्ट पार्टी आफ्ना सबै राजनीतिक क्रियाकलापहरु शान्तिपूर्ण तरिकाले गर्न सहमत

नेपाल कम्युनिस्ट पार्टीमाथि लगाइएको प्रतिबन्ध हटाउने, जेलमा रहेका कार्यकर्ताको रिहा र मुद्दाहरु खारेज गर्न सहमत ।